28 həftəlik, 1,200 qram çəkidə yarımçıq doğulan körpə ağır bətndaxili infeksiya, respirator distres sindromu, pnevmoniya, atelektaz, neonatal sarılıq, nekrotik enterokolit, anemiya, baş beyinə qansızma diaqnozu altında K.Y.Fərəcova adına Elmi-Tədqiqat Pediatriya İnstutuna çatdırılıb.

İnstitutdan Aztibb.az-a verilən məlumata görə, körpə 23 gün süni ventilyasiya, cpap və binazal oksigen dəstəyində qalıb. Planlı müalicələrdən sonra onun çəkisi artıb və vəziyyəti yaxşılaşıb.

Körpənin səhhətinin yaxşılaşmağında Elmi-Tədqiqat Pediatriya İnstutunun Anesteziologiya, Reanimasiya və İntensiv Terapiya şöbəsinin həkimlərinin xüsusi əməyi olub.