Sumqayıt şəhər 3 saylı poliklinikada tibbi maskadan istifadə etməyən qeydiyyat şöbəsinin personalı ilə bağlı məsələ Tibbi Ərazi Bölmələrini İdarəetmə Birliyi (TƏBİB) tərəfindən araşdırılıb.

TƏBİB-in mətbuat xidmətindən verilən məlumata görə, qaydaya riayət etməyən qeydiyyatçıya töhmət verilərək sentyabrın 1-də işdən azad edilib.

“Pandemiya ilə mübarizə tədbirləri çərçivəsində özümüzü və ətrafımızı qorumaq üçün verilən qərarlara riayət etmək hər birimizin borcudur. Sosial məsuliyyətini nümayiş etdirən hər bir vətəndaşa təşəkkürümüzü bildiririk”,- deyə məlumatda qeyd olunub.

Qeyd edək ki, Sumqayıt şəhər 3 saylı poliklinikada tibbi maskadan istifadə etməyən qeydiyyat şöbəsinin personalı inzibati məsuliyyətə də cəlb olunub.