Avqust ayında Klinik Tibbi Mərkəzə 24 nəfər ilan sancması ilə müraciət edib.

Aztibb.az-ın məlumatına görə, bu barədə Klinik Tibbi Mərkəzin Toksikologiya şöbəsinin müdiri, Səhiyyə Nazirliyinin baş toksikoloqu Azər Maqsudov məlumat verib.

Bildirilib ki, apreldən başlayaraq bu il klinikaya ümumilikdə 80-85 nəfərin ilan sancması ilə müraciəti daxil olub. İlan sancmaları əsasən Bakının daş karxanası olan ərazilərində qeydə alınıb.

Məlumata əsasən, bu il 6 nəfər əqrəb, 2 nəfər isə qara qurd sancması ilə müraciət edib.
İlan, əqrəb və qara qurd sancması ilə müraciət edənlər arasında ölüm faktı qeydə alınmayıb.
Qeyd edək ki, Azərbaycanda hər il 100-dən çox ilan sancmaları ilə zəhərlənmələr müşahidə olunur. Bu müraciətlərə, əsasən, aprelin əvvəlindən noyabra qədər rast gəlinir.