Rusiyanın paytaxtında COVID-19 səbəbindən ölənlərin ümumi sayı 4205-ə çatdı, virusa yoluxanların sayı 230 000-i ötdü.

Aztibb.az www.rbc.ru saytına istinadən xəbər verir ki, Moskvada son 24 saat ərzində koronavirus infeksiyasına yoluxmuş 37 nəfər ölüb. Dünyasını dəyişən xəstələrin hər birində sətəlcəm (pnevmoniya) diaqnozu təsdiqlənib.

Bununla da paytaxtda COVID-19 səbəbindən həyatını itirənlərin ümumi sayı 4205-ə çatıb.

İyulun 13-nə olan məlumata görə, şəhərdə bugünədək 230 mindən çox koronavirus xəstəsi təsdiqlənib, onlardan 672-si son 24 saat ərzində aşkar edilib. Ümumilikdə Rusiyada son sutka ərzində 6537 nəfərə koronavirus diaqnozu qoyulub. Pandemiya başlayandan bəri yoluxmuşların ümumi sayı isə 733 699-dur.