ABŞ biokimyaçıları ana südünün tərkibində şəkərlər qrupuna daxil olan faydalı maddələrin mövcudluğunu aşkar ediblər. Alimlərin gəldiyi nəticəyə əsasən, bu maddələr yenidoğulmuşların orqanizmində xəstəlik törədən bakteriyaların inkişafının qarşısını alır.

Aztibb.az bu barədə medikforum.ru saytına istinadla xəbər verir.

Tədqiqatçılar müəyyən ediblər ki, aşkar edilmiş maddələri oligosakkaridlər təşkil edir. Təcrübələr göstərib ki, mürəkkəb şəkərli molekulların bu qrupu bakterial nazik pərdələrin, təhlükəli bakteriyaların, ağır infeksiyaların, həmçinin streptokokun inkişafının qarşısını almağa qadirdir. Döş südünün faydalı xüsusiyyətləri ananın orqanizminə də yayılır.

"Bu şəkərlər həmçinin uzun müddətdir insanlarda mövcuddur, lakin bakteriyalar indiyə qədər onların təsirinə qarşı dözümlülük qazanmayıb. Bu maddələrin necə işlədiyini anlaya bilsək, onların əsasında antibiotikləri əvəz edən yeni preparatlar yarada biləcəyik" – tədqiqatının müəlliflərindən biri Stiven Taunsend bildirib.

Qeyd edək ki, Ümumdünya Səhiyyə Təşkilatının nəticələrinə görə, dünyada bir neçə yüz təzə doğulmuş uşaq məhz analarının süd verməkdən imtinası səbəbindən ölür.