Yeni növ koronavirus (COVID-19) respirator infeksiyadır. Yəni, bu infeksiya qanla yox, tənəffüs yolu ilə yoluxur. COVID-19-a yoluxub sağalmış şəxs 28 gün sonra qan verə bilər. Qan vermək immun sisteminə yaxşı təsir edir, yeni qan hüceyrələrinin yaranmasına səbəb olur.

Aztibb.az xəbər verir ki, bu barədə Mərkəzi Qan Bankının müdiri Qumral Ələkbərova məlumat verib.

O, qan qrupları ilə əlaqədar deyib: “Bəzi hallarda 2-ci qan qrupundan 3-cü, 4-cü qan qrupuna donor kimi istifadə olunur. Yalnız mənfi 1 universal qan sayılır. Yəni, kritik halda, lazım olan qrupdan qan tapılmadıqda bu qrupdan qan köçürülə bilər. Lakin, əslində, bir qan qrupu heç vaxt digərini əvəz edə bilməz. Hər qan qrupu yalnız həmin qrupdan olan qanı əvəz edə bilər”.