ABŞ-da yeni növ koronavirus (COVID-19) əleyhinə peyvəndləmənin iki mərhələsində iştirak etmiş vətəndaşlar üçün üçüncü doza vaksinasiya planlaşdırılır.

Aztibb.az “The New York Times” qəzetinə istinadən xəbər verir ki, ABŞ-da vətəndaşların buster (qüvvətləndirici) doza ilə peyvəndlənməsinə sentyabr ayından etibarən başlanıla bilər.

Məlumata əsasən, üçüncü doza vaksin vurdurmaq üçün peyvəndləmənin ikinci mərhələsindən 8 ay keçməlidir. Buster doza ilə peyvəndləmə ilk növbədə yaşlılar və koronaviruslu xəstələrlə daha çox təmasda olan tibb işçilərinə şamil ediləcək.

Qeyd edək ki, ABŞ administrasiyası “Pfizer” və “Moderna” ilə peyvəndlənmiş vətəndaşlarına üçüncü doza vaksin vurdurmağı infeksiyanın “delta” ştamından qorunmaları üçün tövsiyə edir.