Britaniya-İsveç şirkəti olan “AstraZeneca” COVID-19-a qarşı profilaktik və terapevtik sintetik anticisimlərin sınaqlarına başlanıldığını açıqlayıb.

Aztibb.az medimagazin.com.tr-yə istinadən xəbər verir ki, sintetik anticisim dərmanının ilk dozalarının klinik sınaqlarının birinci mərhələsi çərçivəsində könüllülərə verildiyi bildirilib. İlk klinik sınaqlarda 18-55 yaş aralığında olan 48 sağlam könüllü iştirak edib.

Profilaktik və müalicəvi xüsusiyyətlərə malik olduğu düşünülən potensial dərmanın iki monoklonal anticismin birləşməsindən ibarət olduğu qeyd olunur. Dərmanın COVID-19-un müalicəsində inqilab yaradacağı ehtimal olunur.