İngiltərədə məktəblərin açılmasından sonra 198 yeni COVID-19 hadisəsi qeydə alınıb. Yaxın zamanda məktəblərin yenidən bağlanacağı bildirilir.

Aztibb.az medimagazin.com.tr-yə istinadla xəbər verir ki, "Public Health"in apardığı araşdırmaya görə, komendant saatı məhdudiyyətlərinin yumşaldılması və məktəblərin yenidən açılması nəticəsində məktəblərdə 198 yeni COVID-19 hadisəsi aşkar edilib. Onlardan 70-i uşaqlar, 128-i işçi heyətdəndir. Yoluxan şagirdlər 2020-ci ilin iyununda məktəbə qayıdan təxminən 1 milyon məktəbəqədər və ibtidai sinif şagirdi arasındandır.

Qeyd edək ki, İngiltərədəki 8,9 milyon şagirddən yalnız 1,6 milyonu məktəblərə qayıdıb.

Məktəblərdə yoluxma halları əsasən işçilər arasında yayılıb. Uşaqlar arasında yoluxma dərəcəsi işçi heyətdən daha azdır.