Argentinalı həkimlər son sutkada 8 731 koronavirus infeksiyasına yoluxma halı aşkar edib ki, bu da pandemiyanın başlanğıcından ən yüksək artımın göstəricisidir. Əvvəlki anti-rekord - 8,225 isə avqustun 20-də qeydə alınıb.

Aztibb.az-ın "TASS"a istinadən verdiyi məlumata görə, bu barədə ölkənin Səhiyyə Nazirliyi bildirib.

Yoluxmuşların ümumi sayı ölkədə 350 867-yə çatıb.

Koronavirus ilə yoluxma nəticəsində son sutkada təsdiqlənən ölümlərin sayı da pandemiyanın başlanğıcından bu yana ən yüksək həddə yüksəlib (381), ölənlərin ümumi sayı 7 366 nəfərə çatıb. Bundan əvvəl ölkədə sutka ərzində 283-dən çox koronavirus xəstəsi arasında ölüm qeydə alınmayıb.