Həkim bildirib ki, bunun üçün anestezioloq hamiləyə beldən xüsusi iynə yardımı ilə ağrını minimuma endirəcək dərman verir və həmin sahəyə xüsusi incə kateter yerləşdirir. Həmin kateterdən müəyyən aralıqlarla doğuş prosesi boyunca dərman verilir. Hamilə xanım bu zaman toxunmanı, basqı hissini hiss edir, hətta ayağa qalxıb yeriyə də bilər, sadəcə ağrını hiss etməz. Epidural kateter doğuşdan 1 gün sonra çıxarıla bilər. Kateterin taxılması və çıxarılması tam ağrısızdır.

 

Epidural anesteziyanın üstün cəhəti odur ki, ağrını minimuma endirdiyi üçün ananın rahat doğum etməsinə şərait yaradır.

 

 

Təzyiqi aşağı olan, qan laxtalanması ilə bağlı problemi olan və ya iynə vurulan yerdə dəri infeksiyası olan hamilələrdə əks göstərişdir.

 

Epidural sonrası anada təzyiqin düşməsi və ya uşağın ürək döyüntüsündə azalma yaşana bilər. Bu da anaya damardan verilən mayelərlə düzələ bilən haldır. Epidural anesteziya olunması üçün uşaqlıq boynu açıqlığı ən az 4 sm olmalıdır.