Səhiyyədə fövqəladə hallara cavab tədbirlərini dəstəkləmək üçün ÜST-nin təlim platforması “OpenWHO”da COVID-19 və bu xəstəliyə qarşı peyvəndləməyə dair interaktiv kurslar yerləşdirilib. Kursları bitirən tibb işçiləri sözügedən mövzularla bağlı ən son yeniliklər haqqında biliklərə yiyələnəcək, davamlı tibbi təhsil (DTT) kreditləri qazanacaq və ÜST-nin adından elektron sertifikatlar əldə edəcəklər.

Platformadakı kurslar hamı üçün açıq və ödənişsizdir.

Kursların ingilis və rus dillərində (bəzi kursların türk dilində) versiyaları mövcuddur. Qarşıdakı dövrdə Avropa İttifaqının maliyyələşdirdiyi və ÜST-nin həyata keçirdiyi “COVID-19-a qarşı peyvəndləməyə dəstək” layihəsi çərçivəsində bu kursların Azərbaycan dilinə tərcüməsi və tibb işçilərinə təqdim olunması planlaşdırılır.

 

COVID-19 və bu xəstəliyə qarşı peyvəndləməyə dair kurslarda iştirak etmək üçün:

 

1. “OpenWHO” platformasında qeydiyyatdan keçin: https://openwho.org/ və elektron poçt ünvanınıza göndərilən məktubda “Confirm email” pəncərəsini klikləməklə emailinizi təsdiqləyin;

2. Səhifəyə daxil olduqdan sonra dil seçimi edib (rus dilini seçə bilərsiniz) profilinizi yaratmaq üçün tələb olunan məlumatları daxil edin.

3. Əsas menyudakı “Kanallar” bölməsində mövzunu seçib kurslar siyahısına daxil olun (COVID-19, COVID-19-a qarşı peyvəndlər və digər mövzular). Dil seçimi etdikdən sonra seçdiyiniz dildə mövcud olan bütün kurslar ekranda görünəcək.

4. Açılan kurslar siyahısında sizə uyğun olanı seçin.

 

Platfomanın mobil tətbiqini yükləmək üçün:

 

IOS: https://apps.apple.com/us/app/openwho/id1183923481

 

Android: https://play.google.com/store/apps/details...

 

“İnfeksiyanın profilaktikası və nəzarəti (İPN) üzrə liderlik və proqramın idarə edilməsi” kursu (Azərbaycan dilində): https://openwho.org/courses/IPC-leadership-AZ