Bu ilin yanvar-iyun ayları ərzində Azərbaycana 253 489,88 min ABŞ dolları dəyərində 11 920,10 ton əczaçılıq məhsulları idxal olunub.

Aztibb.az xəbər verir ki, Dövlət Gömrük Komitəsinin hesabatına görə, cari ilin ilk altı ayında Azərbaycanın idxal etdiyi əczaçılıq məhsullarının dəyəri ötən ilin müvafiq dövrü ilə müqayisədə 40,2%, həcmi isə 1,5% artıb.

Bu ilin may ayı ilə müqayisədə iyunda sözügedən məhsulların ölkəyə idxalı dəyər ifadəsində 29,3% azalaraq 53 749,68 min dollar, həcm ifadəsində isə 8% azalaraq 2 007,35 min ton təşkil edib.

Qeyd edək ki, bu ilin yanvar-iyun ayları ərzində əczaçılıq məhsullarının idxalı Azərbaycanın ümumi idxalının 4,70%-nə bərabər olub.