Ambulator müalicə üçün həkim tərəfindən təyin edilmiş dərman vasitələri icbari tibbi sığorta tərəfindən təmin edilmir.
Aztibb.az xəbər verir ki, İcbari Tibbi Sığorta üzrə Dövlət Agentliyinin əməkdaşı Ülviyyə Novruzova icbari tibbi sığorta çərçivəsində dərman təminatı barədə məlumat verib.
O, bildirib ki, təcili və təxirəsalınmaz tibbi yardım zamanı, eləcə də stasionar şəraitdə yatış müddəti ərzində istifadə edilən dərman vasitələri isə icbari tibbi sığorta təminatına daxildir.
Ü.Novruzova, həmçinin qeyd edib ki, xəstəxanada yatış zamanı instrumental və laborator müayinələrin aparılması da ödənişsizdir: “Bununla yanaşı, həkim müşahidəsi, terapevtik və cərrahi müalicə, istifadə olunan dərman və tibbi sərflər, həmçinin gündəlik qidalanma icbari tibbi sığorta təminatına daxildir”.
