Əlillik meyarları ilə bağlı yeni əsasnamə Milli Məclisdə 3-cü oxunuşdan sonra qəbul edilib və 2022-ci il iyulun 1-dən tətbiqi nəzərdə tutulub.

Aztibb.az-ın məlumatına görə, bunu Dövlət Tibbi-Sosial Ekspertiza və Reabilitasiya Agentliyinin Tibbi-Sosial Ekspertiza xidmətinin təşkili departamentinin müdir müavini İlkin Yusifov bildirib.

Onun sözlərinə görə, yeni əsasnamə əvvəlcədən müddətsiz əlillik dərəcələri müəyyən edilmiş şəxslərə şamil olunmayacaq: “Yəni, müddətsiz əlilliklərin yenidən qiymətləndirilməsi zərurəti yaranmırsa, bu əsasnamə onlara şamil olunmur”.

İ.Yusifov qeyd edib ki, yeni qaydalara görə, geridönməz proseslərdə, anatomik deffektlərdə, psixi qüsur hallarında müddətsiz əlillik dərəcələri təyin olunacaq: “Digər hallarda isə 5 il müddətinə həyat fəaliyyətinin itirilmə funksiyaları təyin ediləcək”.