“Hazırda insanlar üzərində sınaqdan keçirilən 100-dən çox peyvənd var”.

Aztibb.az xəbər verir ki, bunu Ümumdünya Səhiyyə Təşkilatının Azərbaycan nümayəndəliyinin rəhbəri Hande Harmancı deyib.

O, bildirib ki, hələ kliniki sınaq mərhələsinə gəlib çatmamış, laboratoriya sınaqlarında olan 180-ə yaxın vaksin var: “Bu vaksinlərdən biri də AMEA-nın müxbir üzvü Tərlan Məmmədov və onun rəhbərlik etdiyi tədqiqatçılar qrupu tərəfindən tütündən hazırlanan peyvənddir. Bu peyvənd sınaq mərhələsinə daxil olub. Bu, o deməkdir ki, klinik sınaqlardan keçərsə, gələcəkdə həmin vaksinin istehsalı mümkün ola bilər. Vaksinin insanlara tətbiq olunması üçün uzun zaman keçməsi lazımdır. Əslində bu, illər alan məsələdir, amma COVID-19 vaksinlərində dünya bunu daha tez bacardı”.