Rusiyada koronavirusa qarşı ilk vaksinin kliniki sınaqları müvəffəqiyyətlə başa çatıb. 

Aztibb.az ria.ru-ya istinadən xəbər verir ki, bu barədə Rusiyanın Tibb və Biotexnologiya İnstitutunun direktoru Vadim Tarasov bildirib.

Vadim Tarasov qeyd edib ki, alimlər bu vaksinin insan üçün təhlükəsizliyini təsdiq edib.

Onun sözlərinə görə, vaksini sınaqdan keçirmiş könüllülərin birinci qrupu evə buraxılıb, ikinci qrup isə artıq iyulun 20-də müşahidə altında buraxılacaq.

Qeyd edək ki, kliniki sınaqlar iyunun 18-dən etibarən aparılır. Koronavirusa qarşı vaksin Rusiyanın N.F.Hamalei adına Epidemiologiya və Mikrobiologiya Milli Tədqiqat Mərkəzi tərəfindən hazırlanıb.