Azərbaycan Prezidenti Silahlı Qüvvələrin hərbi qulluqçularının “İgidliyə görə” medalı ilə təltif edilməsi haqqında sərəncam imzalayıb.

Aztibb.az xəbər verir ki, sərəncama əsasən, Azərbaycan Respublikası ərazilərinin işğaldan azad olunması zamanı döyüş tapşırıqlarını yerinə yetirərkən şəxsi mərdlik və igidlik göstərmiş Azərbaycan Respublikası Silahlı Qüvvələrinin bir qrup hərbi qulluqçuları “İgidliyə görə” medalı ilə təltif ediliblər. 

Onların arasında şəhid-həkimlər - tibb xidməti leytenantı Mirlətif Ağayev və tibb xidməti leytenantı Tariyel Salmanovun da adı var. 

Xatırladaq ki, hər ikisi stomatoloq olan gənc həkimlərimiz Vətən müharibəsi dövründə xidməti vəzifələrini yerinə yetirərkən qəhrəmancasına şəhidlik zirvəsinə ucalmışdılar.