Aztibb.az xəbər verir ki, bu barədə F.Hüseynov məlumat verib. Həkimin sözlərinə görə, valideynləri bətndaxili dövrdən övladlarının hər iki böyrəyində problem olduğunu bilib, doğulduğu klinikada aparılan müayinələrdə də təhlükəli vəziyyət olduğu müəyyən edilib.

 

"Ətraflı müayinələrdən sonra körpənin sol böyrəyinin ciddi risk altında olduğu, böyrək ləyəninin sidik axarına keçən yerində sidiyin axmasına mane olan daralmanın mövcud olması (Üreteropelvik darlıq) məlum oldu. 1 aylıq, çəkisi 4 kq olan körpənin böyrəyini qorumaq üçün cərrahi əməliyyat edildi. Əməliyyatla sidiyin rahat axmasını təmin etmək üçün dar seqment çıxarıldı. Əməliyyat zamanı körpənin həm də sidik axarının sidik kisəsinə girən yerində darlığın mövcud olduğunu müəyyən etdik. Kamerayla sidik kisəsindən girilməklə boru JJ stent taxılaraq sidiyin rahat axması təmin edildi". 

 

F.Hüseynov əməliyyatın uğurlu keçdiyini və körpənin artıq evlərinə yola salındığını qeyd edib.