COVID-19 xəstəliyində ölüm faizi digərlərinə nisbətən daha yüksəkdir. Koronavirus xəstələrinin müalicəsində nəticələrimiz bir çox inkişaf etmiş ölkələrlə eyni səviyyədə, hətta bəzilərindən yaxşıdır. Payız-qış aylarında COVID-19-un ikinci dalğası olarsa, bu mübarizəyə daha təcrübəli şəkildə davam edəcəyik.
Aztibb.az xəbər verir ki, bunu Nazirlər Kabineti yanında Operativ Qərargahın brifinqində Azərbaycan Tibb Universitetinin Tədris Terapevtik Klinikasının Reanimasiya və intensiv terapiya şöbəsinin müdiri Emil Qasımov deyib.
Onun sözlərinə görə, bütün dünyada reanimasiya xidməti çox vəsait tələb edir: “Biz hələ tam sığorta ölkəsi olmasaq da, pandemiya başlayan gündən dövlətin dəstəyini tam hiss etmişik. Reanimasiyada çox bahalı dərmanlardan istifadə olunur. Bunların hamısı dövlətimiz tərəfindən təmin olunub”.
