Koronavirusun müalicəsində tətbiq olunan effektiv dərman yoxdur.
Aztibb.az-ın verdiyi məlumata görə, bunu Azərbaycan Tibb Universitetinin Tədris-Terapevtik Klinikasının Reanimasiya şöbəsinin müdiri Emil Qasımov deyib. O, bildirib ki, istifadə olunan antiviral dərmanlar qrip, ebola virusların müalicəsində tətbiq olunan dərmanlardır.
E.Qasımov qeyd edib ki, plazma müalicəsində koronavirusdan sağalan şəxsin qan plazmasından istifadə olunur: "Bu üsuldan SARS virusunun müalicəsində də istifadə olunub. İlk vaxtlar bu müalicə üsulunda sağalmış şəxslərin cəlb edilməsi ilə bağlı problemlər var idi. Lakin aparılan təbliğatlardan sonra immun plazmadan istifadə artdı. Ölkəmizdə bu müalicə üsulu ilə sağalan xəstələrin sayı çoxdur və istifadəsində heç bir problem müşahidə etməmişik".