“Tibb işçilərinin əmək haqlarının ödəniş qaydaları mütəmadi olaraq yenilənir və bununla bağlı yeni maliyyə mənbələri axtarılır”.

Aztibb.az xəbər verir ki, bu barədə Kliniki Tibbi Mərkəzin direktoru Könül Ələkbərov İcbari Tibbi Sığorta üzrə Dövlət Agentliyinin feysbuk səhifəsində “Tibb müəssisələrində struktur dəyişikliyi” mövzusunda sualları cavablandırarkən bildirib.

O qeyd edib ki, hazırda ölkədə tibbi sığorta sistemində çalışan tibb işçilərinə ödənilən əmək haqqı qaydalarının yeni layihəsi hazırlanır:

“Layihədə həkimlərə, tibb bacılarına və digər işçilərə əmək haqqı verilməsi qaydalarında da yeniliklər var. Bu yeniliklər daha yüksək rəqəmlərdir. Bu yeniliklərə əsasən tibb işçilərinə ödənilən bonus və əlavələr artırılacaq. Yeni sistemdə xəstəxanaların kateqoriyası müəyyənləşir. Sonra isə həmin kateqoriyaya uyğun olaraq artımlar müəyyən olunacaq”.