İyunun 9-dan Azərbaycan Tibb Universitetində (ATU) Yekun Dövlət Attestasiyasına start verilib.

 

Aztibb.az xəbər verir ki, universitetin rektoru, professor Gəray Gəraybəyli bu gün Müalicə-profilaktika fakültələrinin buraxılış kurs tələbələri üçün keçirilən imtahanların gedişatı ilə maraqlanıb.

 

Xatırladaq ki, ATU-da Yekun Dövlət Attestasiyası Nazirlər Kabinetinin qərarına əsasən keçirilir. Bacarıq imtahanları əyani olaraq, test imtahanları isə onlayn formatda təşkil edilir. İlk mərhələdə tələbələrin bacarıqları, növbəti mərhələdə isə nəzəri bilikləri qiymətləndirilir. İmtahanlar iyunun 30-a qədər davam edəcək.

 

Professor G.Gəraybəyli Obyektiv Strukturlaşmış Klinik İmtahanları (OSKİ) vermiş, eləcə də hələ imtahanları baş tutmamış tələbələrlə söhbət edib, onların fikir və təkliflərini dinləyib, prosesin getdiyi kabinetlərlə tanış olub.

 

Rektor imtahanı uğurla başa vuran tələbələri təbrik edib. O, pandemiya vəziyyəti ilə əlaqədar olaraq sualların azaldıldığını, test imtahanlarının onlayn keçirildiyini nəzərə çatdırıb.