Aztibb.az xəbər verir ki, həkim-reanimatoloq Şahin Məmmədov sosial şəbəkədə bu suala aydınlıq gətirib.

 

Həkimin sözlərinə görə, kəskin pankreatit zamanı iltihab nəticəsində azad olmuş lipaza mədəaltı vəz içərisində və ətrafinda olan piy toxumasını əridir, yəni "həzm" edir. Bu zaman artmış yağ turşuları kalsium ilə birləşir, həll olunmayan duzlar əmələ gətirir. Bu prosesə "saponifikasiya" deyilir. Bundan əlavə, kəskin pankreatit zamanı kalsiumu qandan sümüklərə keçirən kalsitonin hormonu da artır. Nəticədə qanda kalsium azalır.

 

Xəstənin arterial təzyiqi ənənəvi maye resuskitasiyasına baxmayaq qalxmır, şok dərinləşir. Belə olan halda, vazopressor, inotrop kimi preparatlar da işə yaramır. Hipokalsemiya korreksiya edilməzsə, bütün şok əleyhinə tədbirlər effekt verməyəcək.

 

"Bundan əlavə, hipokalsemiya aritmogen vəziyyət yaradaraq onsuz da ağır olan xəstənin həyatını təhlükəyə salır. Qoşulan mayelərə Ca-qlukonat əlavə etməklə bu problemi aradan qaldırmaq olar" - deyə, həkim əlavə edib.