Yumuşaq və çatlaqsız əl dərisinə sahib olmaq üçün RESEPTLƏR - Həkim-fitoterapevt - aztibb.az AZƏRBAYCANIN SƏHİYYƏ XƏBƏR PORTALI

Yumuşaq və çatlaqsız əl dərisinə sahib olmaq üçün RESEPTLƏR - Həkim-fitoterapevt

07.06.2021 08:31

Həkim-fitoterapevt Fizuli Hüseynov yumuşaq və çatlaqsız bir əl dərisinə sahib ola bilmək üçün reseptlər təqdim edib.

Aztibb.az xəbər verir ki, həkimin sözləririnə görə, əl dərisinə təbii vasitələr çəkilməli, güclü allergenlər olan sənaye üsullu kremlərdən uzaq olunmalıdır. Rafinə olunmamış zeytun yağı əllərə çəkmək əl dərisi üçün mükəmməl qidalandırıcıdır: "Rafinə olunmamış zeytun yağı, 1 çay qaşığı limon şirəsi,yarım çay qaşığı qarışdırıb əllərə çəkə bilərsiniz".

F.Hüseynov qeyd edib ki, alma sirkəsi və ya limon şirəsi ilə qliserini bir-birinə qarışdırıb, əllərə və çatlamış dabana çəkib masaj edə bilərsiniz.

1 çay qaşığı gülxətmi kökü, yarım qaynar suyu 1 gün saxlayıb süzün, su jele kimi olduqda bu suyu əllərə çəkə bilərsiniz.

Yarım stəkan süd, yarım çay qaşığı səhləb tozunu qarışdırıb 5 dəq qaynadın. 1 gün soyuducuda saxlayın və gündə 3 dəfə əllərinizə çəkin.

Təbii inək südündən hazırlanmış 1 xörək qaşığı xama və 1 çay qaşığı limon şirəsini qarışdırıb gündə 2 dəfə əllərə çəkə bilərsiniz.

1 stəkan rafinə olunmamış zeytun yağına 1 dolu xörək qaşığı xına qarışdırıb içinə spiçka qutusu ölçüsündə mum əlavə edin, birlikdə 3 dəqiqə qaynadın, oddan götürüb qatışdırıb soyuducuya qoyun. Qarışımı hər axşam əllərə çəkib üstündən bağlayın və səhər açın.

1 xörək qaşığı bal, 1 xörək qaşığı alma sirkəsi qarışımı əl ayaq və üz üçün mükəmməl bir yumşaldıcıdır.

1 xörək qaşığı soda, 1 stəkan alma sirkəsi, 1 litr su, 1 ovuc buğda kəpəyi, 1 ovuc arpa kəpəyini birlikdə 10 dəqiqə qaynadın, soyuducuda saxlayın, gündə 1 dəfə axşamlar əlləri bu suyun içində 15 dəqiqə saxlayın və qurulayın.