Xəstədə daha sonra heç bir tamamlayıcı əməliyyat və adyuvant müalicə aparılmayıb. Bu ilin fevral ayında həmin xəstə ATU-nun Onkoloji Klinikasına üz tutub və lazım olan müayinələr aparıldıqdan sonra ona cərrahi müdaxilə tövsiyə edilib. Həkimin bildirdiyinə görə, xəstə üzərində icra olunan əməliyyat Birincili sitoreduksiya (Total parietal peritonektomiya, total abdominal histerektomiya, bilateral salpingooforektomiya, appendektomiya, splenektomiya, total omentektomiya, sitoloji alınması) olub. Əməliyyatın 6 saat davam etdiyini vurğulayan Ə.İbrahimov qeyd edib ki, bu kimi əməliyyatların potensial riskləri və ağırlaşmaları var.

 

Lakin əməliyyatdan sonrakı dövr ağırlaşmalar olmadan keçib və xəstə tam sağalma diaqnozu ilə ilə evə yazılıb. Söhbət əsnasında gənc həkim onu da əlavə edib ki, 4 illik həkimlik fəaliyyəti dövründə buna bənzər çoxlu sayda ağır cərrahi əməliyyatlar həyata keçirib.

 

Məlumat üçün bildirək ki, Ə.İbrahimov 2011-ci ildə ATU-nu fərqlənmə diplomu ilə bitirib. 2012-ci il ərzində Türkiyədə ÜDS (universitetlərarası ingilis dili), STS (tibb diplomunun xaricdə tanıdılması) və TUS (tibbdə uzmanlıq dərəcəsi) imtahanlarını uğurla keçərək, Hacettepe Universitetinin Obstetriya, ginekologiya və ginekoloji onkologiya kafedrasında uzmanlıq təhsilinə başlayıb. 2015-2017-ci illərdə Hacettepe Universitetinin Ginekoloji Onkologiya şöbəsində onkoloji xəstələrin cərrahi müalicəsi üzrə ixtisaslaşıb.

 

2017-ci ildə uzmanlıq təhsilini başa vuran Ə.İbrahimov həmin ildən ATU-nun Onkoloji klinikasında Onkologiya kafedrasının doktorantı kimi onkoginekoloq vəzifəsində çalışır.