Azərbaycan Tibb Universitetinin II Müalicə profilaktika fakültəsində yekun dövlət imtahanlarına hazırlıq məqsədilə Mamalıq və ginekologiya, Daxili xəstəliklər, Cərrahi xəstəliklər fənləri üzrə Obyektiv Strukturlaşdırılmış Klinik imtahanının (OSKI) bacarıq treninqləri təşkil edilib.

 

Aztibb.az xəbər verir ki, bu barədə qeyd edilən fakültənin dekanı, dosent İsrail Məhərrəmbəyli məlumat verib.

 

Bununla əlaqədar olaraq, II Mamalıq-ginekologiya, II Cərrahi xəstəliklər, III Cərrahi xəstəliklər, II Uşaq xəstəlikləri, Urologiya, Ümumi cərrahiyyə, Şüa diaqnostikası və terapiyası, II Daxili xəstəliklər, Terapevtik və pediatrik propedevtika, Klinik farmakologiya kafedralarının professor və müəllim heyəti tədbirə cəlb olunub.

 

Fakültənin buraxılış kurs tələbələri treninqdə aktiv iştirak ediblər.