Albalının özü kimi saplağı da çox faydalıdır.

Aztibb.az tibbi mənbələrə istinadla bildirir ki, albalını yeyərkən saplaqlarını saxlayıb evdə qurutmaq və albalı çayını hazırlamaq mümkündür. Faydalarına gəldikdə isə:

- Albalı saplağının çayı metabolizmanı sürətləndirir. Bu, daha asan şəkildə yağların yandırılması deməkdir. Bundan başqa, bədəndəki şişkinliyi də azaldır. Hər gün davamlı bir fincan albalı saplağı çayı içərək arıqlamanıza kömək ola bilərsiniz.

- Antioksidant xüsusiyyətə malikdir. Həzm sistemini tarazlayır və yeməklərdən sonra həzmsizlik problemi yaşamağa imkan vermir.

- Böyrəklərin sağlam şəkildə işləməsinə kömək edir. Daş və qumun yaranmasına mane olur.

- Xolesterolu və qan şəkərini tarazlayır.

- Bədəndən sidik turşusu və sidiyin atılmasına kömək edir. Bunun sayəsində revmatizma xəstəliyinin yaratdığı mənfi təsirləri azaldır.

- Gün ərzində çoxlu dərman içirsinizsə, albalı saplağı çayı məsləhətlidir. Bununla qara ciyərdəki yük yüngülləşəcək.

- Siqaret çəkənlərə də bu çayı içmək məsləhətlidir. Orqanizmdəki nikotinin miqdarını və mənfi təsirlərini azaldır.

- Sakitləşdirici təsiri var.

- Susuzluğu aparır. Xüsusilə də Ramazan aylarında sahurda içilsə, gün ərzində suya olan ehtiyacı azaldır.

- Prostatında şikayəti olanların içməsində böyük fayda var.

- Bağırsaqları işlədir və həzmi asanlaşdırır.

- Aybaşı sancılarına yaxşı təsir edir. Sancı və ağrıları yüngülləşdirir.

- Orqanizmdəki qanı təmizləyir və anemiya riskini aşağı salır.

Albalı saplaqlarından necə istifadə olunur?

Albalını saplaqlarından ayırdıqdan sonra bir müddət suda saxlayın. Yaxşıca təmizləndikdən sonra qurulayın və təmiz yerdə sərib qurudun. Günəşin olmadığı yerdə 3-4 gün qalan albalı saplaqları quruduqdan sonra istifadə oluna bilər. Aromalı effektini ortaya çıxarmaq üçün albalının saplaqlarını doğrayıcıda xırdalaya bilərsiniz.

Albalı saplağından çayın hazırlanma qaydası

1-2 qaşıq qurudulmuş albalı saplağı 5-10 dəqiqə 500 ml suya əlavə edilir və gözlədilir. Orqanizmdəki toksinlərin daha sağlam atılması üçün ya hər səhər və ya axşam, ya da yeməkarası içilməlidir.