İranın Həmədan vilayətinin Fumən rayonunda əqrəb ferması fəaliyyət göstərir.

Aztibb.az xəbər verir ki, bu fermanın yaradılması üçün külli miqdarda sərmayə yatırılıb və İranın müxtəlif elmi mərkəzlərindən mütəxəssislər dəvət olunub. Bu fermada yetişdirilən əqrəblərin zəhəri tibbdə və əczaçılıqda olduqca əhəmiyyətli xarakter daşıyır.

Fermada sarı və qara əqrəb növləri yetişdirilir və artırılır ki, onlardan da alınan zəhər dərman istehsalında istifadə olunur. Hazırda ferma genişləndirilir və burada əqrəblərlə yanaşı saxlanılan digər zəhərli həşaratların da sayı artırılır. Yaxın gələcəkdə İran əqrəb zəhəri ixrac etməyə başlayacaq. ABŞ və Avropada fəaliyyət göstərən əczaçılıq şirkətləri bu fermadan zəhər almaq üçün müraciət edirlər.

Qeyd edək ki, əqrəb zəhərindən zərdab ilə yanaşı, revmatizma, radikulit, şəkər və onkoloji xəstələr üçün dərmanlar hazırlanır.