Günvurma günəş şüalarının təsirindən baş verən istilik zərbəsinin bir növüdür. Belə hallar qızmar günəş altında uzunmüddət qaldıqda baş verir.

Aztibb.az N.Tusi adına Klinikanın məlumatına istinadla xəbər verir ki, günvurma halsızlıq, yuxululuq, baş ağrıları, başgicəllənmə, göz önündə qara nöqtələrin uçması, ürəkbulanma, arterial təzyiqin dəyişməsi, bədən temperaturunun yüksəlməsi, ürək fəaliyyətinin pozulması ilə müşayiət olunur.

Günvurma diaqnozu anamnez və klinik əlamətlər əsasında qoyulur. Müalicə konservativ yolla (bədənin soyudulması, su itkisinin bərpası) aparılır. Ağır vəziyyətlərdə təcili medikamentoz terapiya tələb olunur.