Bu barədə Mərkəzi Klinikanın uşaq cərrahiyyəsi və urologiyası uzmanı, cərrah Fuad Hüseynov sosial şəbəkədə məlumat verib.

 

Həkimin sözlərinə görə, uşağı bu vəziyyətə salan səbəb sidik kisəsi içərisində sidik axarının ağzında şar kimi şiş olan divertikul və sidiyin əks istiqamətdə geri qayıtması (Hutch divertikulu, vezikoüreteral reflüks) idi. Bu vəziyyətdə gözləmək həm uşağı daha da incitmək, həm də böyrəyin itirilməsi demək idi.

F.Hüseynov bu səbəbdən məcburi cərrahi əməliyyat qərarının verildiyini qeyd edib.

 

O, bildirib ki, əməliyyatla sidik kisəsi içərisindəki şar kimi şiş divertikul çıxarıldı və sidiyin geriyə qayıtması (Divertikul eksizyonu, üreteroneosistostomiya) ləğv edildi. 

 

Əməliyyatdan 1 həftə sonra pasiyent bütün problemləri geridə qoyaraq tam sağlam evinə yola salındı.