Onun sözlərinə görə, bərpa haqqında danışanda biz bütün məşqlərin dayandırılmasını nəzərdə tutmuruq. Rutin məşqləri dəyişdirmək və həftəlik məşq rejimi üçün sadə bir plan qurmaq olar:

 

- 3 gün intensiv məşq

- 2 gün kardio məşq

- 2 gün yüngül aktivlik (aktiv bərpa)

 

 Məşqlərdən sonra bədənin bərpası üçün aşağıda göstərilən məsləhətlərə riayət etmək lazımdır:

 

- Məşqlər gücləndirilmiş rejim və kardio arasında dəyişirsə, bədənin bərpası üçün vaxt yaranır.

- Məşqlərə streçləri əlavə edin. Gərmələri isindirici hərəkətlər vaxtı edin. O zaman əzələlər travmalara qarşı daha dözümlü olur.

- Bol su için. Məşqlər zamanı insan tərləyir və bu da bədəndə su ehtiyatlarını azaldır.

- Elektrolit balansına diqqət edin. Tər ilə siz təkcə su yox, elektrolitləri də – kalium, natrium, maqnezium, kalsium itirirsiniz. Ona görə meyvə və tərəvəzlə zəngin dieta çox vacibdir. Məsələn, banan kaliumla zəngindir və məşqlərdən sonra bu meyvəni yeyə bilərsiniz.

- Protein. Proteinlər əzələ kütləsinin artırılması üçün çox vacibdir. Məşqlərdən sonra ən azı 20 qr. protein qəbul etməlisiniz. Yumurta, balıq, toyuq kimi ərzaqlarda protein kifayət qədər var.

- Normal yuxu. Normal yuxu üçün 7-8 saat vaxt tələb olunur. Məşqlərdən sonra normal yuxu vacibdir. Əzələlərin bərpası üçün kifayət qədər yatmaq lazımdır.

- Aktiv istirahət. Məşqlərdən sonra aktiv istirahət vacibdir. Yüngül hərəkətlər – üzmək, velosiped sürmək, yerimək. Bu məşqlər intensiv deyil, amma insanı tonusda saxlayır.