Adenovirus infeksiyası tənəffüs yolları, gözlər, limfoid toxuma, həzm traktının zədələnməsi ilə müşayiət olunan kəskin virus infeksiyasıdır.

Aztibb.az N.Tusi adına Klinikaya istinadla xəbər verir ki, xəstəliyin əlamətlərinə mülayim intoksikasiya, hərarət, rinoreya, səsi batıqlıq, konyunktivanın hiperemiyası, gözlərdən selikli ifrazat, bağırsaq funksiyalarının pozulması aiddir.

Diaqnozun qoyulmasında klinik təzahürlərdən başqa seroloji və virusoloji müayinə metodları da tətbiq olunur.

Adenovirus infeksiyasının müalicəsi virus əleyhinə preparatlar (daxilə və yerli), immunomodulyatorlar və immunostimulyatorlar, simptomatik dərman preparatları ilə aparılır.