Aztibb.az xəbər verir ki, bu barədə həkim-fitoterapevt Fizuli Hüseynov məlumat verib. 

 

O bildirib ki, yorğun, halsız, anemiyalı insanlar üçün bal şərbəti əvəzolunmazdır və qanyaranmanı sürətləndirir. Orqanizmə kənardan daxil olan qanyaradıcı qidaların içində birinci yeri bal tutur. Bal nəinki yeni qan əmələ gətirir, hətta qanımızı təmizləmək üçün də ən yaxşı qida vasitəsi hesab olunur. Bal qan dövranını nizamlayır, ziyanlı xolesterinin miqdarını aşağı salır və damarları elastik edir.

 

 

Antibiotikin təsirindən bakteriyalar, kif göbələyi və mikroblar məhv olur. Balın mükəmməl tərkibi təmiz balın 4 əsr xarab olmadan qalmasına səbəb olur.

 

 

Bədən üçün ən vacib, lazımlı maddə antioksidantlardır. Antioksidantlar bizim sağlam mübadilə proseslərimizin qarantıdır. Bal vitamin və mineral mənbəyidir. Tərkibində qlükoza, fruktoza, maqnezium, kalium, kalsium, dəmir, kükürd, fosfor, mis, yod, sink mineralları, B1, B2, C, B6, B5, B3 vitaminləri olduğundan, vitaminsizlik və mineral çatışmazlığı üçün ən yaxşı qidadır.

Bal ən yaxşı yarasağaldıcıdır. Yaraların üzərinə vurulduqda dəri əmələ gətirən epitel toxumasının yaranmasını sürətləndirir, bu da yaraların qısa zamanda sağalmasını təmin edir. Kəsilmiş, yanmış yerlərin izinin qalmasını istəmirsinizsə, onda balla müalicə aparın. Çünki bal kollagen liflərin bir-birinə bağlantısını daha tez əmələ gətirir. Bal hətta şişmiş yaraların şişinin çəkilməsi üçün də istifadə olunur, çünki bal dərialtı qan dövranını sürətləndirir.

 

Bu möcüzəvi qida bel ağrılarında da mükəmməl bir vasitədir. Belə ki, bal axşamdan belə çəkilir, üstünə bez parça bağlanılır, səhərə qədər saxlanılır. Bunu bel ağrısı tamamilə keçənə qədər etmək olar.

 

Bel ağrıları üçün başqa bir resept: kələm yarpağına bal yaxılır, belə və ya ağrıyan hər hansı bir oynağa qoyulub bağlanır, axşamdan səhərə qədər saxlanılır. Ağrılar tam keçənə qədər müalicə davam etməlidir (kələm yarpağı əvvəlcə bıçağın ucu ilə bir neçə yerdən dilimlənir).