Hazırda uşaqlar arasında çox rast gəlinən nitq inkişafının ləngiməsinin səbəbləri barədə Mərkəzi Klinikanın uşaq nevropatoloqu Fəxriyyə Həsənova məlumat verib. 

Aztibb.az xəbər verir ki, F.Həsənova nitq inkişafının ləngimə səbəblərinin aşağıdakı kimi qruplaşdırıldığını deyib:

1.Əqli inkişafın geri olması;

2.Eşitmə qüsurları;

3.Ağız aparatının düzgün işləməməsi:

a) Səs çıxarmada iştirak edən əzələlərin zəifliyi,

b) Dil bağları,

c) Yarıq damaq/dodaq və s.

4.Cansız ünsiyyətin (telefon, televizor izlənməsi) çox olması;

5.Genetik faktorlar ( Ailə anamnezində/nəsil şəcərəsində gec danışmanın olması);

6.Psixoloji travmalar (Diqqətdən kənar qalan uşaqlar);

7.Bir sıra nevroloji xəstəliklər (Yayılmış inkişaf pozğunluqları - autizm) və s.

Qeyd olunan səbəblərdən yaranan nitq inkişafının ləngiməsinin zamanında müdaxilə olunmaqla - düzgün diaqnoz qoyulması, düzgün seçilən müalicə üsulu ilə proqressivləşməsinin qarşısı alına, eyni zamanda tamamilə düzəldilə bilər.

Uşaq nevropatoloqu F.Həsənova uşaqda bu tip problemlə qarşılaşdıqda zamanında həkimə müraciət etməyi tövsiyə edib.