Xalazion xəstəliyi özünü göz qapaqlarında şişkinlik, qızartı, ağrı kimi əlamətlərlə büruzə verir.

Aztibb.az xəbər verir ki, xalazion və itdirsəyinin (hordeolum) fərqli əlamətləri barədə Salyan rayon Mərkəzi Xəstəxanasından məlumat verilib.

Xalazion qeyri infeksion mənşəli, itdirsəyi isə adətən infeksiyon mənşəli olur. O, immun sistemi zəifliyi, kiprik dibinin xroniki iltihabı (blefarit xəstəliyi) zamanı yaranır. 
Bəzən spontan sağalma da mümkündür. 

Müalicəsi:

Gündə 4-5 dəfə isti kompress olunur.

Xalazion olduqda şişkin nahiyəyə kortikosteroid inyeksiya olunur və ya cərrahi üsulla təmizlənir. 

İtdirsəyi bəzən infeksiyon ağırlaşmalara gətirib çıxara bilir. Bu zaman daxilə müvafiq antibiotik təyin olunur.

Bu zaman kirpikdibi gigiyenası da mühüm rol oynayır. Bu məqsədlə kirpikdibi şampunları və ya xüsusi göz salfetləri istifadə oluna bilər.

Şişkin nahiyəni qəti şəkildə sıxmaq olmaz. Bu, infeksiyanın ətraf toxumalara yayılmasına səbəb ola bilər.