Kimyəvi terapiya alan onkoloji xəstələr immunitetləri zəif olduğu halda, niyə COVID-19-u yüngül keçirir?

Aztibb.az xəbər verir ki, həkim-reanimatoloq Şahin Məmmədov sosial şəbəkədə bu suala aydınlıq gətirib.

Həkimin sözlərinə görə, immun sisteminin zəif olması koronavirus xəstəliyi zamanı işə yaraya bilər. Çünki bəzən xəstəni ağırlaşdıran elə immun sistemin özü olur. Buna görə ümumiyyətlə COVID-19-un müalicəsində immunmodulyatorların istifadəsi məsləhət deyil.

Kimyəvi terapiya alan xəstələrdə makrofaq aktivasiya sindromu, sitokin storm əmələ gəlməsi ehtimalı azalır. Lakin bu, həmişə belə deyildir. Xüsusən bakterial infeksiya riski bu tip koronavirus xəstələrində yüksək olur, belə xəstələrdə aseptika, antiseptika qaydalarına daha çox nəzarət olunması məsləhətdir.