Qlaukoma yüksək gözdaxili təzyiq fonunda görmə sinirinin zədələnməsi ilə səciyyələnir. Müalicə olunmazsa, görmənin itirilməsinə səbəb ola bilər. Hazırda müalicə strategiyaları göz damcıları və ya cərrahi müdaxilənin köməyi ilə təzyiqin azaldılmasına yönəlib.

Aztibb.az meddaily.ru-ya istinadla xəbər verir ki, Karolina İnstitutu və Müqəddəs Erik Oftalmologiya Xəstəxanasından olan tədqiqatçılar nikotinamidin heyvanlar və qlaukomanın hüceyrə modellərində təsirini öyrəniblər. 2021-ci ilin payızında insanlar üzərində kliniki sınaqlara başlanılacaq.

Nikotinamid torlu qişanın qanqlioz hüceyrələrinin məhv olmasının qarşısını alan və görmə sinirinin sinir liflərinin zədələnməsini bərpa edə bilən agent kimi alimlərin diqqətini cəlb edib.

Daha əvvəl alimlər müəyyən ediblər ki, yaş artdıqca NAD (Nikotinamid adenin dinukleotit) molekullarının konsentrasiyası torlu qişada aşağı düşür və torlu qişanın qanqlioz hüceyrələrini degenerasiyaya həssas edir. Nikotinamidin köməyi ilə NAD ehtiyatlarının tükənilməsinin qarşısının alınması qlaukomanın inkişafını dayandırdığı sübut olunub.

Son tədqiqatda alimlər nikotinamidin görmə sisteminə (normal şəraitdə və qlaukoma zamanı) təsiri ilə bağlı bir sıra təhlillər aparıblar. Onlar nikotinamidin neyroqoruyucu xüsusiyyətini təsdiq ediblər, eləcə də NAD və digər əsas metabolitlərin metabolizminin tədqiqi üçün həssas alətlər hazırlayıblar.

Ekspertlər müəyyən ediblər ki, nikotinamidin sistemli daxil olunması molekulyar səviyyədə məhdud əlavə təsirlərə malikdir, qlaukomalı və ya ona meyilli olan heyvanlarlarda xəstəliyin metabolik profilinin dəyişməsini təmin edir.