Pediatr-neanotoloq Nurəngiz Hacıyeva sosial şəbəkədə bu barədə məlumat paylaşıb.

 

Həkimin sözlərinə görə, tədqiqatçılar araşdırmaya daxil olan uşaqların əksəriyyətində yetkin xəstələrə xas olan simptomlar - qızdırma, quru öskürək və ya nəfəs darlığının müşahidə olunmadığını müəyyən ediblər. Uşaqların yalnız 18,8%-də qızdırma, halsızlıq, əzələ və ya oynaq ağrısı, qoxu və ya dadın pozulması qeyd edilib. 16,5-də öskürək və nəfəs darlığı daxil olmaqla tənəffüs simptomları, 13,9-da ürəkbulanma, qusma və ishal kimi mədə-bağırsaq simptomları, 8,1-də  dermatoloji simptomlar - dəridə səpkilər və dərinin soyulması, 4,8-də davamlı baş ağrıları qeyd edilib.

 

2019-cu ildə koronavirus xəstəliyi keçirən 2-14 yaşlı uşaqlarda multisistemli iltihab sindromu (MIS-C sindromu) qeyd edilməkdədir. Bu sindrom koronavirus infeksiyasından 4-6 həftə sonra baş verir. MIS-C sindromu əsasən özünü nəfəs darlığı, dodaqların rəngində göyərmə kimi simptomlarla özünü göstərir.

 

Belə qənaətə gəlmək olar ki, COVID-19 virusuna yoluxmuş uşaqların əksəriyyətində xəstəlik yüngül keçir. ABŞ-da aparılmış araşdırmaya daxil olan 12306 uşaqdan ümumilikdə 672 uşaq xəstəxanaya yerləşdirilib. Həmin göstərici tibbi yardıma müraciət edənlərin ümumi sayının 5,5%-ni təşkil edir ki, bu da yetkin xəstələrə nisbətən xeyli azdır. Təcrübədə daha çox temperatur fonunda nəcis tezləşməsi və qusma ilə xarakterizə olunan COVID-19 qeyd edilməkdədir.

 

"Uşaqlarda simptomların qeyri-müəyyənliyi və ya onların olmaması səbəbindən, hazırda yalnız özləri tez-tez xəstələnməyən, lakin virusu daşıyan uşaqlarda və yeniyetmələrdə yalnız testlər etibarlı şəkildə koronavirus diaqnozunu təsdiqləyir", - deyə o, əlavə edib.