Hamilələrdə mədə xorası hestasiya dövründə aşkarlanan xroniki residivləşən xəstəlikdir. O, mədənin selikli qişasında lokal xora qüsurunun formalaşması ilə xarakterizə edilir.

Aztibb.az N.Tusi adına Klinikaya istinadla xəbər verir ki, epiqastral nahiyədə ağrı, diskomfort, ağırlıq hissi, dispepsiya əlamətləri, çəki artımının azalması ilə təzahür edir.

Diaqnozu mədədə USM, qastroskopiya, laborator üsullarla helikobakteriozun təyini, pH-metriya və nəcisin gizli qana görə analizinin nəticələrinə əsaslanır.

Müalicə məqsədilə antasidlər, enterosorbentlər, histaminin selektiv blokatorları, miotrop spazmolitiklərdən istifadə olunur.