İnsanlar düzgün fiziki yüklənmələri seçməlidir. Üzgüçülük və ya skandinaviya yerişi ilə məşğul olmaq, qida rasionuna kalium, sink və selenium əlavə etmək vacibdir. Xolesterin kürələrini əritmək üçün  banan, ananas, papayya, qreypfrut və s. kimi bitki fermentləri lazımdır.

Mərkəzi Gömrük Hospitalının həkim-terapevti Nazilə Xəlilbəyova yüksək təzyiqin qarşısını necə almaq olar mövzusunda tövsiyələr verib.

O qeyd edib ki, orqanizmdə təzyiqi insan deyil, orqanizm özü korreksiya edir. Siz daha çox nəticəni deyil, səbəbi aradan qaldırmaq barədə düşünməlisiniz. Əgər təzyiqinizin yuxarı rəqəmləri yüksəkdirsə, deməli, bu, adrenalinin təsiridir. Odur ki, stresdən uzaq durun, bol su için, düzgün nəfəs alın. Yox, əgər aşağı rəqəmlər yüksəlibsə, böyrəklərinizin qayğısına qalın. Qanınız duru olmalıdır, odur ki, orqanizmdə su balansına riayət edin. Böyrəklərinizi su ilə yuyun, bu orqan orqanizmdən maddələri xaric edən orqandır. Sink, selenium, C vitamini böyrəklər üçün faydalıdır:

"Qanın "yağlı" olmaması üçün yemək rasionunuzu nəzərdən keçirin, qaraciyərinizə izafi xolesterini neytrallaşdırmaqda kömək edin. Çox doymamış yağ turşuları qəbul edin və yemək prosesinə diqqət yetirin. Faydalı yemək çox dadlı olur və insana xoş əhval bəxş edə bilər. Əgər qida rasionunuza Q10 kofermentini də əlavə etsəniz daha müsbət nəticələr əldə edəcəksiniz".