Son günlər yuxarı yaş qruplarında rotaviruslar sadəcə qarında sancı şikayəti ilə gəlir. Uşaqlarda qarında dözülməz ağrı, ürəkbulanma, kəskin iştahsızlıq, hərarətin yüksəlməsi, qusma da varsa rotavirusa bağlı qastroenterit ola biləcəyini unutmamaq lazımdır.

 

Aztibb.az xəbər verir ki, bunu tanınmış həkim-pediatr Günay Rəsulova deyib. 

 

Həkimin sözlərinə görə, uşağı mütləq ultrasəs müayinəsindən keçirmək, nəcisin ümumi analizi, (əlavə olaraq nəcisdə parazitlərin müayinəsi), sidiyin ümumi analizi, (sancı səbəbi həm də sidik yolu infeksiyası, böyrək xəstəlikləri də ola biləcəyi üçün) qanın ümumi analizi, CRP və s. ən vacib müayinələrdir. Uşaqda sancı ilə bərabər nəcisə çıxmama və qaz çıxarmama da varsa, bağırsaq keçməzliyi ola biləcəyindən düz qarın rentgen müayinəsinin aparılması da lazımdır.  Ehtiyac halında cərrah müayinəsi lazım ola bilər.