Aztibb.az Salyan rayon Mərkəzi Xəstəxanasına istinadla xəbər verir ki, kəkəlmə - nitqin tempo-ritmik tərəfinin pozulmasına aid olub, nitq aparatının əzələlərinin qıcolma spazmlarının nəticəsində nitqdə fasilələrin, təkrarolunmaların, uzadılmaların müşahidə edilməsidir. Kəkələmənin əsas təzahürü ünsiyyətə başladıqda və ya ünsiyyət zamanı nitq qıcolmalarının ortaya çıxması ilə şərtlənir. Qıcolma növünə, lokallaşmasına və dərəcəsinə görə fərqləndirilir.

 

Qıcolmaların iki əsas növü mövcuddur: klonik və tonik

 

Klonik qıcolma zamanı qısamüddətli müxtəlif əzələlərin daralması, bir-birinin ardınca əvəz edən səs və hecaların təkrarlanması müşahidə olunur (s-s-s-stol, ma-ma-ma-maşın). Adətən, klonik qıcolma baş beyim qabığının hüceyrələrinin həddindən artıq oyanıqlığı zamanı yaranır.

 

Tonik qıcolma zamanı əzələlərin daralması 3 və ya daha artıq dəqiqəyə kimi uzadılmış olur (s-stol). Tonik kəkələmə beynin qabıqaltı strukturunun həddindən artıq oyanıqlığı zamanı yaranır.

 

Kəkələyən şəxslərdə kəkələmənin qarışıq növü də müşahidə olunur. (Tonoklonik və klonotonik)

 

Dünya əhalisinin təxminən 1 faizi kəkələmədən əziyyət çəkir. Bu problemə daha çox oğlanlar arasında rast gəlinir və 2-6 yaş dövründə daha aktiv hiss edilir.

 

Kəkələmənin yaranma səbəblərinin müxtəlif olduğu bildirilir. Amma əsasən hamilə vaxtı qadının travma alması ilə əlaqələndirilir. Qorxu, şiddət və güclü həyəcan problemin yaranma səbəblərindən biridir.

 

Qeyd edək ki, kəkələməni aradan qaldırmaq üçün müxtəlif terapiyalardan, nəfəs məşqlərindən istifadə olunur.