Ümumdünya Səhiyyə Təşkilatı (ÜST) COVID-19 pandemiyası dövründə səyahət edərkən insanların riayət etməli olduğu qaydaları açıqlayıb.

Bildirilib ki, seçilən aviaşirkətin tövsiyələrinə əməl etmək, tez-tez əlləri təmizləmək, səthlərə toxunmazdan əvvəl onları dezinfeksiya etmək üçün xüsusi bezlərdən istifadə etmək, sonra isə onu qapalı kağız və ya plastik qutuya atmaq lazımdır.

ÜST səyahət edənlərə insanlarla mümkün qədər ən azı 1 metr məsafə saxlamağı tövsiyə edib:

“Digər şəxslərlə aranızda nə qədər məsafə saxlamalı olduğunuza dair döşəmədəki işarələrə diqqət yetirin. Hökumət və ya səyahət şirkəti tərəfindən verilən tövsiyəyə əsasən, maskadan istifadə edin”.