ABŞ səhiyyəsi 2003-cü ildən ozonterapiyanı qadağan edib. Onlar on minlərlə insan üzərində aparılan tədqiqatların nəticələrinə əsasən bu qərara gəliblər. Azərbaycanda isə 2021-ci ildə həkimlər, xüsusən də ginekoloqlar tərəfindən bəzi xəstələr ozonterapiyaya yönləndirilir. 

Aztibb.az xəbər verir ki, bu barədə cərrah-fleboloq İsmayıl Əsgərov məlumat verib.

"Ozonterapiyanın toksik qazlardan ibarət olduğu, tərkibində sərbəst radikallara rast gəlindiyi təsdiqlənib. Onun  orqanizmə faydası yox, zərərləri var. Bu barədə nəinki elmi mənbələr, həmçinin ən sadə məlumat bazası olan Vikipediya onlayn ensiklopediyasında məlumatlar mövcuddur", - deyə İ.Əsgərov qeyd edib.