Alın və təpə sümüyü qabarlarının aydın görünməsi raxitə bağlı ola bilər. Amma hər alın sümüyü qabarıq olan uşaq raxit deyil.

Aztibb.az xəbər verir ki, bunu tanınmış həkim-pediatr Günay Rəsulova deyib. 

Həkimin sözlərinə görə, başın formasının genetik xarakter daşıdığını unutmamalıyıq:

"Əlbəttə, D vitaminini davamlı olaraq qəbul etməyən 3 yaşa qədər uşaqlarda yüksək raxitlik riski var. Sürətli böyüyən orqanizm üçün D vitaminin davamlı olaraq içilməsi, düzgün qidalanması vacibdir ki raxitlik keçirməsin. Alnı qabağa gələn uşaqda yanaşı olaraq həddən çox tərləmə, baş çevrəsində anormal artım, oturmada, yerimədə, əmgəyin bağlanmasında, diş çıxmada da bir gecikmə varsa şübhələnmək olar. Bu vəziyyətdə uşaqda raxitlik araşdırılıb, bəzi analizlər tələb oluna bilər".