Həkimin sözlərinə görə, hələ ana bətnindəykən körpənin böyrəyində ciddi problem olduğunu bilən valideynlər övladlarını itirmək təhlükəsi ilə üz-üzə qalıblar. Müayinələr zamanı məlum olub ki, böyrəkdəki ciddi genişlənmənin səbəbi böyrək ləyəninin sidik axarına keçən yerindəki sidiyin axmasına mane olan daralmadır (üreteropelvik darlıq):

"Genişlənmə getdikcə artdığı üçün yenidoğulmuş 1 aylıq olanda məcburi cərrahi əməliyyat qərarı verdik. Əməliyyatla sidiyin axmasına mane olan dar hissə çıxarıldı, sidik axarı böyrək ləyəninə tikildi. Beləliklə, sidiyin axması təmin edildi".

F.Hüseynov körpənin 2 gün sonra böyrəyini itirmək təhlükəsini geridə qoyaraq tam sağlam şəkildə evinə yola salındığını da qeyd edib.