Qıl qurdu ip incəliyində, sarımtıl ağ rəngdə, boyları iki millimetr və bir santimetr arasında dəyişən və nəcis ilə xaric olunan bağırsaq parazitləridir. İnsanlar arasında ən çox rast gəlinən parazitdir.

 

Aztibb.az Salyan rayon Mərkəzi Xəstəxanasına istinadla xəbər verir ki, qıl qurdu məktəbli uşaqlar arasında daha çox yayılır. Əsas əlaməti isə anus ətrafında gecələr artan qaşıntıdır.

 

İştahsızlıq, çəki itkisi, qarın ağrısı, burun qaşıntısı, diş qıcırdatma, yuxu nizamsızlıqları qurdun əsas əlamətlərindən sayılır. Bu parazitə diaqnoz parazitin özü və ya yumurtasının görülməsi ilə qoyulur.