Davamlı olaraq alkoqollu içkilər qəbul etmək xərçəng, qaraciyər və ürək-damar xəstəlikləri zamanı önəmli risk faktorudur. "Alcohol Change United Kingdom" adlı xeyriyyə qurumu insanları 1 ay ərzində alkoqolu tərgitməyə sövq edən bir layihəyə başlayıb. 

 

Aztibb.az bu barədə Salyan rayon Mərkəzi Xəstəxanasına istinadla məlumat verir. 

 

İngiltərənin Sussex Universitetinin tədqiqatçılarının araşdırmaları göstərir ki, sadəcə 1 ay alkoqol qəbulunun dayandırılması orqanizmdə uzun müddət davam edən faydalara səbəb olur. Tədqiqatlar göstərib ki, layihəyə qoşulmuş üzvlər arasında aparılmış araşdırmanın nəticəsi olaraq, il ərzində layihədə iştirak etmiş üzvlərin içki qəbulu kifayət qədər azalıb. Bundan başqa, sağlamlığa uzun müddətli və qısa müddətli təsirləri müəyyən olunub.

 

- Layihəyə qatılanların 93%-i alkoqolsuz ayın sonunda qalibiyyət hissi yaşadığını bildirib.

- 88%-i alkoqola sərf edəcəyi pulu daha yaxşı dəyərləndirib.

- 82%-i alkoqolla əlaqəli olan fərqlilik hiss ediblər.

- 80%-i alkoqol asılılığını daha çox nəzarətdə saxladığını deyib.

- 76%-i içməyə nə vaxt və hansı səbəblə daha çox həvəsli olduğunu anlayıb.

- 71%-i əylənmək üçün içkiyə ehtiyacı olmadığını öyrənib.

- 71%-i daha yaxşı yuxuya getdiyini qeyd edib.

- 70%-i daha sağlam olduğunu bildirib.

- 67%-i daha enerjili olduğunu deyib.

- 58%-i daha çox kilo itirdiyini qeyd edib.

-54%-i dərisinin daha sağlam olduğunu bildirib.