Uşağın ilk nəcisi (mekoniya) onun sağlamlığı haqqında bir çox məlumat verə bilər. Uşaq bezinin analizi həyatının ilk ilində uşaqda allergiyanın inkişaf etmə riskini anlamağa imkan verəcək.

Aztibb.az meddaily.ru-ya istinadla xəbər verir ki, Britaniya Kolumbiyası Universitetinin alimləri müəyyən edib ki, həyatının ilk ilində allergik sensibilizasiyanın inkişaf etdiyi yeni doğulmuşlarda doğuş zamanı zəngin tərkibi ilə fərqlənən mekoniyanın miqdarı əhəmiyyətli dərəcədə daha az olub.

Adətən həyatın birinci günü ərzində xaric olunan mekoniya uşağın orqanizminə düşən və ondan inkişaf zamanı xaric olunan müxtəlif elementlərdən ibarətdir. O, ananın bətnində uşağın rastlaşdığı hər növ molekulları özündə saxlayır.

100 körpənin mekoniyası nümunələrinin analizi göstərib ki, uşaq mekoniyasında molekulların müxtəlif növünün az olması uşaqda allergiyanın inkişafının riskinin yüksək olduğunu göstərir.

Alimlər, həmçinin aşkar ediblər ki, müəyyən molekulların miqdarının azalması mikrofloranın tərkibində əsas bakterial qrupların dəyişiklikləri ilə bağlıdır. Bakteriyaların bu qrupları inkişafda və bağırsaq bakteriyalarının geniş ekosisteminin formalaşmasında həlledici rol oynayır.